Mangalehon Nang pe Hurangan
Memberi Dari Kekurangan
1 Rajaraja 17:7-16
1.
Patujolo
Molo martaringot hita taringot tu na marsilehonlehon jotjot do jumpang masa ngolu ni jolma na lobi dumenggan parngoluonna, isarana na mora, pejabat, na sukses, na marpardomuan tu sinadongan, jala hira maol do jumpang jolma na pogos i boi marsilehonlehon manang gabe mangurupi na mora dingolu siganup ari. Marhite turpuk on mansai tangkas do dipabotohon songon dia do sahalak parompuan na mabalu na manarihon ngolu ni panurirang Elia. Molo taida pangulaon ni panurirang Elia ima di masa ni Raja Ahab na manorushon harajaon ni amongna Raja Omri jala pajojongjong harajaon dinasti saleleng 22 taon. Raja Ahab tardok sada raja na pamajuhon pembangunan ni kota Samaria, marhite pajongjong istana na masai uli, alai laos udut do dipajongjong bagas pamelean tu baal dohot sombaon (dewi) Asera (1 Raja 20-34). Di masa ni pembangunan na doras i hehe ma panurirang Elia na sinuru ni Debata maminsang raja Ahab laho manundati sangkap pajongjong bagas pamelean i ai mangkorhon rimas ni Debata do i tu bangsoNa. Alani na pinajongjong ni Raja Ahab i langgatan parsombaon tu baal ndang hapalang muruk ni Debata mida raja Ahab, gabe ro ma hata ni Debata marsuru panurirang Elia mandok hatana tu raja Ahab: ”Songon sintong na mangolu Jahowa Debata ni bangso Israel, jala ahu marhalado di joloNa, ndang jadi ro nambur manang udan, manang piga taon on, molo so jolo ahu mandokkon” (1 Raja 17;1). Alani panurirangon ni si Elia tu raja Ahab gabe adong ma reaksi na koras sian raja Ahab dohot ripe na naeng pamatehon panurirang Elia. Alani do marhite Debata palumba tu si Elia asa laho manabunihon dirina tu lambung sunge Karit bariba ni aek Jordan, jala nunga diparade Debata asi ni rohaNa tu si Elia, ingkon minum aek sian i jala disuru pidong sigak manarihon ngoluna.
2.
Hatorangan ni Turpuk
Dipabotohon turputa
on do taringot tu pardalanan ni panurirang Elia,
ndung sataon na masai marsik ma sunge Karit, gabe disuru Debata ma ibana tu sarpat na manjonokhon Sidon, jala diluat i nunga diparade Debata sada parompuan
na mabalu laho marmudumudu
ibana. Borhat ma panurirang Elia tu Sarpat jala ndung sahat ibana jumpangsa ma disi sada parompuan naung
mabalu na marsobansoban. Tontu hinorhon ni ari logo naung leleng
i marpangkorhon ma tu pamatangna naung mauas jala dijouhon
ma parompuan i: ”ua alap di au aek i otik dibagasan tabutabu on, asa minum ahu” (ay.10) jala ditingki naeng lao mangalap aek i laos dijouhon muse asa
“dibuat sagusagu santopik dibagasan tanganmu”
(ayat 11). Dialusi
parompuan i ma panurirang
Elia “songon sintong na mangolu Jahowa Debatam, ndang adong sagusagu
di ahu nanggo sada, nda holan itak sampuhul dibagasan
hudon, angkup ni miak otik dibagasan guriguri.
Asa idama, na marsobansoban do ahu, asa laho ahu paulihon
itak i di ahu dohot di anakhi, asa mangan hami na dua dungi mate ma” (ay. 12). Dipabotohon parompuan na mabalu i do songon dia sasintong kondisi ni ngolu nasida na pogos jala
lam pogos ma muse hinorhon ni ari
logo na so boi be mangula ulaon ido
umbahen holan na marsoban ibana. Jala dipabotohon ibana do kondisi
ni ngolu na sasintongna, pasrah tu
keadaan, na ingkon mate ma dohot ianakhonna ala holan sahali mangan na i ma sagusagu
di nasida. Alai didok panurirang Elia ma “unang ho mabiar, laho ma ho, bahen ma songon na nidokmu, alai pauli di ahu jumolo sian i sada sagusagu na metmet,
jala boan tu ruar di ahu, dung pe i asa pauli di ho dohot anakmu”
(ay. 13). Dipabotohon si Elia do tona ni Debata
“itak na dibagasan hudon ndang olo suda jala miak na dibagasan guriguri
ndang jadi marsik, paima jumpang ari haroroan ni udan
tongoson ni Jahowa tu sisik
ni tano on” (ay. 14).
Mansai maol do mangulahon pandohan ni panurirang Elia i di roha
ni parompuan na mabalu i ala hombar tu parngoluon nasida dohot panandaon na hurang tangkas
tu panurirang Elia. (Di tengah-tengah
kebobrokan mental dan kerohanian bangsa pilihan Allah yang dipimpin oleh raja fasik, yaitu Ahab; Tuhan ingin menunjukkan kepada kita bahwa masih ada
iman yang benar, bahkan iman ini
muncul bukan dari bangsa pilihan-Nya (yang menolak-Nya, tetapi muncul dari bangsa
Goyim (bhs. Ibrani, artinya kafir). Ia adalah seorang dari
Sarfat (Sidon); seorang janda miskin
dan tidak mempunyai harapan untuk kelangsungan
hidupnya). Songon dia ma ibana manghaporseai si Elia ala so adong panandaonna tu Debata ni si Elia dohot manghaporseai, alai dibagasan kondisi ni parngoluon na
hansit dohot harapan na hampir putus
asa justru jumpang do haporseaonna mangoloi hata ni panurirang Elia (nang pe sisomba ganaganaan ibana) jala didok ibana do “Songon sintong ni na mangolu
Jahowa Debatam” lapatanna adong do pamotoan/pengetahuanna taringot
tu Debata ni Israel, ido umbahen na ditodo Debata
parompuan na mabalu Sarpat gabe
haroroan ni sipanganon ni si Elia, jala diulahon ibana do pangidoan ni si Elia jala jumpang ibana do alus hombar tu pandohan
i “itak na dibagasan hudon i ndang olo suda jala miak na
dibagasan guriguri ndang olo marsik”
(ay. 16) gabe mangan ma nasida,
nang parompuan i ro di isi ni jabuna
ariari.
3.
Sipahusorhusoron
a. Marhite turpuk on
dipaingot do ngolu ni halak na porsea i paboa
molo gabe pasupasu do hita, ndang ala jolo singkop pasupasu i jumpang,
ndang jolo godang sinamotta, alai dipaingot
do hita paboa ngolunta i gabe parhitean ni Debata do laho patuduhon las ni roha tu donganta manang humaliangta. Molo taida dibagasan turpukta on dipangke
Debata do na so tumanda Ibana gabe haroroan
ni sipanganon tu sahalak panurirang Israel, molo pola sahalak na so
tumanda Debata jumpang haporseaon na mangolu tu Debata,
naeng ma hita naung mananda Debata
lam patuduhon roha na olo
marsilehonlehon i dingolunta maradophon saluhut jolma (ndang mardia imbar) ido hadirionta laho pataridahon haburjuon
ni Debata tu saluhut jolma.
b. Na boi do hita songon parngoluon ni parompuan na mabalu na di Sarpat i, mangulahon na denggan, marsilehonlehon hombar tu na adong na di hita, jala wajar doi sian hajolmaon na sai marnida na adong alai ingkon tahaporseai do na masumasu do Debata di sude ulaonta jala ndang diloas Debata angka na porseai mago pangkirimonna alai sai dipatuduhon do dalan marhite naposoNa nang halak (na so tatanda) pasahat pasupasuNa. Jala naeng ma tongtong hita songon panurirang Elia na so pola mian dihagangguon laho patupa sude angka ulaonna. Ndang sai tu na mora i na gabe haroroan ni angka patupa na ringkot di pelayanan di huria nang ngolunta, alai dipangke Debata do sude jolma “na mananda Debata, na so mananda Debata” laho patuduhon na mangula do Debata di sude partingkian dohot ngolu ni jolma i.Songon panurirang Elia na meyakinkan parompuan na mabalu Sarpat naeng songon i ma hita patuduhon holong ni Debata tu sude jolma nang na tinompa di ngolunta. Na maol do meyakinkan jolma manghaporseai Debata ditongatonga ni parngoluon na hansit, alai na boi do jumpang pangoloion i molo hita sandiri tongtong manghaporseai Debata ditongatonga ni ngolu dohot pelayanan na gok hamaolon. Amen
Post a Comment