MINGGU JUBILATE , 21 APRIL 2024 - Mundosaragi

 

JESUS PARMAHAN NA DENGGAN

(Johannes 10 : 11 – 18)

I.                   PATUJOLO

Minggu JUBILATE na marlapatan do i “Besorak- soraklah bagi Allah, Hai seruluh bumi/ Marolopolop tu Debata ma sandok tano on.” Ende sian Buku Ende No. 211: TUHAN JESUS siparmahan, au biru biru na do, Jesus gok di ho ngolungku, sai ihuthonon ku ho. molo di Kj no

415 di dok Gembala baik bersuling nan merdu, membimbing aku pada air tenang dan membaringkan aku berteduh, di padang rumput hijau berkenan. Lirik lagu on naeng patuduhon Jesus do nampunasa ngolu ni biru biru na jala ibana do na patuduhon dalan nadenggan tu sude biru biru na, di boto Parmahan i do aha na ringkot tu biru biru na, dang dipasombu parmahan i biru biru i, di tanda do biru biru i, jala biru biru i mangihuthon parmahan na. Parmahan na Denggan i ma parmahan na patuduhon tanggung jawab dohot pengorbanan tu biru biru na. molo adong parmahan dang dipatuduhon tanggung jawab dohot pengorbanan, pamangus do i jala panangko (ay. 8 & 10).

 

II.                HATORANGAN dohot HAHONAON

Jesus mengunakan perumpanaan sebagai Gembala yang baik/ Parmahan na Denggan alana mayoritas ni penduduk na adong di huta i berprofesi sebagai perternak. Hirim do roha ni penduduk i tu sosok parmahan na denggan. Jala hata parmahan na denggan i ma gambaran ni pelayanan na ni ulahon ni Jesus di tingkki i.

Parmahan na Denggan do anggo Ahu, i do na di dok JESUS di ayat 11, dipatudu Jesus do pengorbanan ni Ibana, di lehon Ibana do ngolu na jala na denggan situtu do na di bahen Jesus tu biru biru na. ndang hurang manang aha di ngolu ni biru biru na i. songon na tarsurat di Psalmen 23 Jahowa Siparmahan ahu dang tagamon hurang ahu. Nang pe mardalan ahu di rura linggoman hamatean, ndang huhabiari parmaraan ai Ho do mandongani ahu.

Ndang ditadingkon Jesus hita songon angka niupaan, si pangan gaji do ibana, Alai Jesus hosa na do di lehon laho manobus hita Jolma, holan sian Jesus do hita mananda Debata alana di tanda Debata do Jesus jala di haholongi do Ibana. (ay.12-18).

Tanggung jawab ni parmahan sangat besar, molo adong biru biru na mago manang manimbil sian jalan na denggan di ajari jala di lehon do gambaran manang teladan tu biru biru i asa unang manimbil muse sian dalan na denggan i. Jesus Parmahan na Dengan jala holan Ibana do dalan na denggan laho mandapot haluaon. Haluaon na ta dapot marhite Iman tu Jesus alana na ibana do na patuduhon na dengan ni ngolunta. Jesus parmahan na denggan, jala nungga di pataridahon Jesus parmahan na denggan, ta ulahon ma ulaon ta di ganup huria na nihobsanta songon Jesus marmahani birubiru na.

 

III.             PANIMPULI

1.      Ta tiru ma panghobasion ni Jesus, parmahan na denggan ma hita.

2.      Ta ulama panhobasion ta di bagasan ni tanggung jawab.

3.      Di hirim do panghobasion na denggan jala na bonar sian ganup ni pelayan na.

4.      Di na mangula hita ta gunahon ma “ Andaliman” Andalkan Iman unang sian roha

manang pingkiran ta sandiri hita mangula.

Selamat melayani ma tu hita saluhut na Debata mangaramoti hita.