MINGGU KANTATE, 28 APRIL 2024 - Mundosaragi

 

PUJION NI ANGKA NAUSOUSO DI JAHOWA MA GOARNA

(Psalmen 22 : 26 – 32)

I.            Patujolo

Didok angka natuatua, “Asa molo malos peninna ingkau rata, riang riang pe boi do pataputapu on. Molo mangasi Amanta Martua Debata di ginjang, sitaonon dohot arsak i, boi do gabe olopolop dohot las ni roha”. Pandohan na jempek i ma angka dongan, na boi mangurupi hita laho bongot dalan mangantusi turpuk Jamita di Minggu Kantate sadarion. Minggu Kantate namarlapatan do i endehon hamu ma sada ende na imbaru di Jahowa. Marende do raja David di Jahowa, jala marolopolop ibana mamuji Debata marhite sada ende na imbaru, ala tangkas do dipanghilalahon ibana, denggan basa ni Debata na mangaramoti dohot mangurupi luhutan ni bangso Israel, bolas malua sian ragam ni parniahapan ni ngolu na pasosak sosak ngolu ni nasida. Jala laos pandohan na jempek i do napinasahat ni raja David tu luhutan bangso i, dalan mangalehon pos ni roha asa marpanghirimon na mangolu bangsoi, so pola mandele jala mandate, so pola ganggu jala talpe marhaporseaon, ala panosak ni galumbang na masa dibagasan pardalanan ni ngolu ni luhutan ni bangso i.

Laos sian ragam ni na masa na binolus nasida i do, mangonjar raja David laho marpsalmen tu adopan ni Debata, tarida doi sian metafora na masa hatiha i. Ai ilu na sai maraburan sian simalolong nibangso i, nungga gabe uli dohot las ni roha. Angguk badar ni raja David dimulanai, nungga gabe olop olop dohot hatuaon. Ende andung parniahapan na sailaon, nungga gabe ende hamuliateon. Sitaonon na dokdok dimulana i, nungga gabe hamonangan dohot hasonangan. Hamatean na mambibiari nasida na salelengon, nungga gabe hangoluan na saleleng ni lelengna. Jala borhat sian ido, umbahen pola dipatudos Marthin Luther, paboa Psalmen 22 on, ima gabe sada gombaran na nalnal, jala na martudutudu tu halinu na masa dibagasan haridirion ni Tuhan Jesus Kristus, manang na somal di goari “Mazmur Salib”. (Peristiwa Viadolorosa dan Peristiwa Paskah. Band. Ayat. 2).

 

II.                Hatorangan,

“Orang yang sudi mengucap syukur, itulah orang yang sudah mengenal Allah”. Pandohan on ma na boi putihanta, na gabe mutiha mutiha na arga jala na ummarga nanaeng pasahaton ni raja David tu hita. Jala ende angguk ni raja David on, sekaligus do mamboan nasida tu sada haporseaon togu dohot tu panghirimon na mangolu, paboa ingkon monang do angka naporsea molo mangido pangurupion sian adopan ni Debata. Jala kehadiran Daud adalah sekaligus menjadi motivator di tengah kehidupan Israel dalam membawa mereka ke arah hidup yang lebih baik.

Tarida doi sian pangangkuhonon ni raja David, paboa Debata do na gabe mual jala mula ni nasa uli basa, Debata do na gabe haroroan ni olop olop dohot las ni roha, jala Debata do na bolas mangalehon haluaon dohot hatuaon.

Jala ndada holan pengkuan boti, alai pola do tahe didok ibana “gararonku ma angka baga bagaku - nazar”. (26). Nazar namarlapatan do i sada janji atau komitmen yang muncul dari sebuah pergumulan pribadi secara sadar tanpa paksaan. Nazar adalah juga sekaligus sebagai bentuk keyakinannya bahwa apa yang diinginkan pasti tercapai, sebab nazar itu berkaitan erat dengan penyerahan diri kepada Tuhan secara totalitas. Maka setiap apa yang sudah kita nazarkan, ketika kita tidak penuhi akan menjadi sesuatu dosa dan pelanggaran yang fatal dihadapan Tuhan. Alani ido umabahen pola dipatangkas ibana mandok “di jolo ni angka na manghabiari Ibana”. Artinya: Kehadiran orang lain dalam hal ini adalah sekaligus menjadi saksi manang gabe sitindangi, songon raja David naung marpanindangion na mangolu dibagasan ngoluna maradophon Debata, bahwa

Daud tidak akan ingkar janji. Daud yakin dan percaya, bahwa setiap orang yang hidup dalam ketaatan dan kesetiaan dihadapan Tuhan, pasti akan hidup senantiasa dalam sukacita yang dari Tuhan. Ai ganup halak na rade manggohi saluhut baga baga naung dibagabagahonna, jala halak na manongtong marhasatiaon tu adopan ni Debata, sai paloason ni Debata do i, mandai hinasuksuk ni hamoraon ni Debata dibagasan ngoluna si ganup ari, jala sahat tu pinomparna marsundut sundut. Artinya, Allah telah menjamin dan memastikan, bahwa ternyata tidak akan pernah kekurangan apapun, seseorang yang telah menepati janji atau nazarnya. (27-32).

 

III.             Panimpuli,

Marhite turpuk Jamita on, naeng ma tatiru songon panindangion raja David on, na tutu situtu marpanindangion namangolu ibana marhite na manggohi saluhut baga baga naung dibagabagahonna tu adopan ni Debata. Ingkon porsea do hita, paboa angka na usouso tu adopan ni Debata marhite baga baga dohot ende puji pujian, jumpang na do Debata jala lam huminsa mangulahon lomo ni roha ni Debata. Ai panindangion ni angka naporsea jala namarhasatiaon tu Debata, pasti do mansai balga jala positif panghorhonna ditonga tonga ni saluhut parsaoranna, di huta, di balian, di pemerintahan, di bagas, di ragam ni ulaon, nang dohot di tong ani Huria.

Ringkot ingoton ni rohanta, paboa ndang margogo sitaonon i mangambati hita laho marpanindangion namangolu tu adopan ni Debata. Porsea ma hita, paboa ndang pasombuon ni Debata angka naporsea i humasusa di sitaonon na sonson di jolona. Alai sai matua urupan jala paluaon ni Debata do ibana songon raja David, asa anggiat gabe lam tau jolma i laho papatarhon saluhut asi ni roha ni Debata dibagasan ngoluna. Ai tangkas taboto do, ia sangkap ni Debata, ima sangkap haluaon dohot sangkap hatuoan do, asa anggiat malua jolma i jala martua dibagasan Jesus Kristus, silehon haluaon dohot hatuaon ni ganup na porsea di Ibana. Amen