MINGGU QUASIMODOGENITI, 7 APRIL 2024

 

MANGOLU DI BAGASAN HATIURON

(1 Johanes 1 : 1 S/d 2 : 2)

I.            Patujolo

Surat 1 Johanes ima surat na digurithon sada jolma na margoar Yohanes, na lapatan ni tulisanna naeng pasingthon angka halak Kristen tu aha na di hatahon jala na dihaporseai songon na didok ajaran ni Kristus ima mangolu dibagasan hasintongan dohot holong ni Kristus. Aha na disurathon ni si Yohanes dibagasan 1 Johanes ima isi ni buku 1 Musa bindu 1 na mandok taringot Debata do hatiuron dohot hata na mangolu. Si Johanes naeng manungguli sundut di tingkion asa mulak mangolu dibagasan Haporseaon. Ima ngolu na manjujui aha na didok dohot na niajarhon ni Jesus Kristus. Antong tapaihutihut ma hatorangan ni turpuk jamita on.

 

II.            Hatorangan Ni Turpuk

Bindu na parjolo 1 Johanes maniroi diri ni Kristus na dibagasan Ibana hita manjalo hangoluan na manontong marhitehite pardomuan dohot Debata. Di si Johanes, Debata ima na Ama namangalehon Anak i asa dapotan ngolu portibion. Manang ise na marnida, na manangi jala na maniop Debata ima na dihatahon gabe “hami”. Hata "hami" Na dimaksud di son i ma si Johannes dohot angka Apostel, ima nasida sandiri namanghilala jala marnida Jesus. Ala nii nadigurithon ni "Hami" Tu "hamu" I ma laho tu ganup angka natorop namanorushon hakristenon i angka si ihutton Jesus. "Hata" ndang holan hata sambing, alai hata na manghorhon hangoluon na saleleng ni lelengna. Dipabotohon si Johannes do taringot tu Debata naung saor dohot Hata i tagan so adong do pe angka nadihasianganon tagan so adong do pe angka panompaon (Johanes 1:2-3). Didok mangolu dohot daging, lapatanna tuat ibana jala dipangke ibana pardagingon asa laos pajonokkon diriNa tu hajolmaon nanaeng sipaluaonNa i. Ditingki dibaritahon angka apostel taringot tu Jesus, ditogihon nasida do angka jolma i asa saor tu Ama nang Anak. Parsaoran di son ima "koinonia" namarlapatan ma i "gabe parsidohot" "Saor". Tagan di togihon angka apostel i jolma asa porsea tu Jesus, ditogihon do nasida tong asa marparsaoran tarlumobi ma dibagasan Jesus.

Barita na dipasahat ni angka apostel marhite Jesus i ma "Debata do Hatiuron". Ingkon do pabotohonon ni nasida sian jesus do ro hasesaan ni dosa. Molo naeng mangolu nasida jala malua sian dosa, ingkon di disondangi hatiuron na sian Debata. Marhite i diida jolma ma hatiuron ni Debata marhite hamamate ni Jesus na pangoluhon jolma. Ala nii dipalua pe hita nanaeng gabe sitindangi di hasintongan nang hata ni Jesus. Di ayat 9 dipatorang do ai dipasae Jesus do dosanta marhite silang i (1 petrus 2:24). Alai namangolu dibagasan dosa jala naso manandingkon hagiot ni dosa pamagohon parsaoran dohot Debata jala parohon hamatean (ayat 10). Molo satahi do tondi dohot pangalaho ima namangoloi Debata i ma namanghorhon parsoran dohot Debata. Laptanna di jangkon nasida do Debata jala mian Tondi ni Debata dibagasan nasida.

Di bagasan bindu na paduahon ayat 1 "asa unang mangulahon dosa hamu" Asa unang gabe siulahon dosa do angka pinompar ni huria i. Adong parngoluon na manghorhon hajahaton nanaeng sialoon ni nasida marhite hasintongan ni Kristus. "Alai molo mangulahon dosa sasahalak" Namarlapatan ma i na sipata madabu do jolma i tubagasan dosa. Unang pola mabiar angka naporsea i, ai adong do sada goar na uli naboi paluahon jolma i ima Jesus Kristus. Ai diganup portibion do asinirohaNa, umbahen i ingkon posma rohanta. Tu ganup portibi on do nian Jesus mate asa malua, alai ingkon do marpanghorhon haporseaonta maradophon asi niroha ni Tuhan i.

 

III.            Impola Ni Jamita

1.      Gabe halak Kristen rade laho mangihuthon sude na niajarhon ni Jesus Kristus. Jesus na gabe teladan hidup songon na didok hata na mangolu ima Tuhan Jesus Kristus.

2.      Mangolu dibagasan hatiuron na sian Debata jala maninggalhon ngolu dibagasan pardagingon dohot haportibion.

Mangolu dibagasan haporseaon ima tanda ni jolma naung maninggalhon dosa. Lapatanna dibagasan parngoluonna dangbe adong sikap marhosom, teal, elat dohot late. Alai mangolu manjalo pasupasu sian Tuhan jala gabe pasupasu tu dongan jolma dohot mamboan dame.